بلوچ آجوئی لشکر ( بی ایل اے ) ءِ جارکش جیھند ءَماں رسانکدرءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں بولان ءُ پنجگور ءَ زورگریں پاکستانی لشکر دو جتائیں ارشاں نشانگ کرتگ، چہ ایشی ءَ دژمنیں لشکر ءِ شش کارمند مرتگ۔
آئی ءَ گوشتگ کہ زورگریں پاکستانی لشکر ءَ گوستگیں ھپت روچ بیت کہ بولان ءُ آئی نزیکیں ھنداں زوراکی کنگ ءَ اِنت۔ لگور ءُ دژمنیں لشکر لس آبادیانی سر ءَ توپ ءُ مارٹر ءِ گولا آس دیگ ءَ اِنت۔ وھدیکہ جنین ءُ زھگ بندیگ کرتگ اَنت ءُ چو اسپر ءِ وڑ ءَ کارمرز اش کنگ ءَ اِنت۔
جارکش ءَ گوشتگ کہ بی ایل اے ءِ سرمچاراں سنجاول ءَ زوراکی کنوکیں دُژمنیں لشکر زی بیگاہ ءَ ارشے ءَ نشانگ کرتگ اَنت۔ بی ایل اے ءِ اسنائپر ءَ دژمنیں لشکر ءِ یک کارمندے کشتگ ءُارش بندات کرتگ۔ سرمچاراں ارش ءَ وتکار ءُ مزنیں سلاہ کارمرز کرتگ اَنت، ارش ءِ آسر ءَ دگہ سے کارمند مرتگ ءُ باز ٹپی بوتگ، دژمنیں لشکر ءِ گداناں آس روک بوتگ آیانی سازءُ سامان ستکگ اَنت۔
آئی ءَ گوشتگ کہ بی ایل اے ءِ سرمچاراں 23 پروری ءِ شپ ءَ پنجگور رکشان کورءَ پس ءِ منڈی ءَ برجاھیں زورگریں پاکستانی لشکر ءِ بنجل ءِ پھازداریں پانگس گوں گرنیڈ لانچراں نشانگ کرتگ اَنت، تراکانی آسر ءَ پانگس ءِ ساڑی ئیں دو کارمند جاھی مرتگ۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ ھمے کول ءَ کن ایں داں زورگریں لشکر ءِ چہ بلوچستان ءَ سرجم ءَ درآھگ ءَ مئے ارش برجاہ بنت۔
