بولان: ھپت روچ اِنت کہ زورگریں پاکستانی لشکر ءِ لشکرکشی برجاہ اِنت ، لشکر ءَ درسیں راھانی سر ءَ سنگر گپتگ ءُ نشتگ۔
بنشون ءِ رد ءَ پاکستانی لشکر بولان ءُ آئی نزیکیں ھند سبی ءُ ھرنائی ءَ جتائیں جاھاں لشکر کشی کنگ ءَ اِنت۔ لشکر ءَ پہ راھانی بند کنگ ءَ بازیں جاھاں گدان جتگ ءُ نشتگ۔ ھپت روچاں راھانی بند بوگ ءِ سوب ءَ مردماں ورگی سامان رسگ ءَ نہ اِنت بازیں جنجالانی دیمپان اَنت۔
انچوش گوشگ بوگ ءَ اِنت کہ زی پاکستانی لشکر ءَ کوھانی تہ ءَتوپءِ گولا چکاس اِتگ اِنت، باز ٹوھیں توار ھم اش کنگ بوتگ۔
