بندر اباس: پاکستان ءِ شھرمنند اکرم لاھوری گوں دگہ ھمبلے ءِ ھمرائی ءَ ایران ءِ استان ھرمزگان ءَ دزگیر کنگ بوتگ اَنت۔
دوشمبے ءِ سھب ءَ ایران سرکار ءِ نیمگ ءَ اے گپ راست کنگ بوتگ کہ ھرمزگان ءِ پولیس ءِ رسانکدری تک ءَ گوشتگ کہ اھوتی ھالے ءِ بنیاد ءَ پولیس سروگاناں اکرم لاھوری نامیں مردمے گوں دگہ ھمبلے ءِ ھمراھی ءَ دزگیر کرتگ کہ آ شیہ ءِ بگیریں ناشرکاریں گل پہ سپاہ سھابہ ءَ کار کنوک ءُ پاکستان ءَ بمب ءِ ھیلکاری دیگ ءِ بھتام ءَ دزگیر کرتگ اَنت۔
پولیس ءِ گوشگ اِنت کہ آ چہ زمینی راہ ءَ کشم ءَ روگ ءَ بوتگ اَنت کہ آیان ءَ دریا ءِ نزیک ءَ دزگیر کرتگ اَنت۔
پولیس ءَ گوشتگ کہ گوں اکرم لاھوری ءَ دزگیر بوتگیں مردم ءِ نام مھمد ابرار ء مجنون اِنت کہ آ 22 پروری ءَ کشم ءِ میتگ پی پشت ءَ دزگیر کنگ بوتگ۔
