بلوچستان آجوئی سنگر ( بی ایل ایپ ) ءِ جارکش میجر گجرام ءَ ماں رسانکدر ءَ وتی شنگ کرتگیں درشانے ءَ گوشتگ کہ کیچ ءِ ھند تمپ ءَ اپسی کھن ءِ دُز راہ ءَ برجاھیں دُژمنیں لشکر ءِ پانگس ءِ سر ءَ اُرش ءِ زمہ واری ءَ منّ ایں۔
آئی ءَ گوشتگ کہ شمبے ءِ روچ ءِ یک ءَ سرمچاراں تمپ ءِ میتگ اپسی کھن ءِ دُز راہ ءَ برجاھیں پانگس گوں نوکین ءُ ٹوھیں سلاھاں نشانگ کُرتگ۔
جارکش ءَ گوشتگ کہ تُرندیں اُرش ءَ زورگریں لشکر ءِ یک کارمندے جاھی مُرتگ ءُ یکے ٹپی بیتگ۔ اُرش ءَ دُژمن ءِ سولر سسٹم سرجم ءَ تباہ بیتگ ءُ پانگس ءِ دیوالاں ھم باز تاوان بیتگ۔
آئی ءَ گوشتگ کہ سرمچارانی اے اُرش ءَ پروش وارتگیں دژمنیں لشکر ءِ کارمنداں یک تیرے ءِ آس دیگ ءِ موہ نہ داتگ۔ پاکستانی لشکر ءِ ماں بلوچستان ءَ پروش ورگ ءِ منانک اِنت کہ آ دیم پہ دیمی جاہ ءَ تچگ ءِ راہ ءِ گچین کنگ ءَ لاچار اِنت۔
میجر گھرام ءَ اُرش ءِ زمہ واری منّ اِتگ ءُ گوشتگ کہ داں سرجمیں بلوچستان ءِ آجوئی ءَ سرمچارانی اُرش زورگریں لشکر ءِ سر ءَ گوں تُرندی ءَ برجاہ بنت۔
