بولان: مرچی سے روچ اِنت کہ زورگریں پاکستانی لشکر ءِ لشکرکشی برجاہ اِنت۔ پہ کمک ءَ جنگی بالگرانی ترّ ءُ گرد برجاہ اِنت۔ کوھانی تہ ءَ جنگی بالگردانی تیرگواری ءُ تراکانی توار اش کنگ بوگ ءَ اِنت۔
بنشون ءِ رد ءَ زورگریں پاکستانی لشکر ءَ لشکرکشی ءِ میان ءَ زی الیان نامیں مردمے ءِ دو زھگ آوار جتگ ءُ بیگواہ کرتگ۔
ھندی بنشونے ءِ رد ءَ اے دوئیں مردم سوئی ءِ ھند شابان ءَ وتی پسانی چارینگ ءَ بوتگ اَنت پد ءَ واتر نہ یتکگ اَنت۔ انچوش گمان کنگ بوگ ءَ اِنت کہ پاکستانی لشکر ءَ آوار جتگ ءُ بیگواہ کرتگ اَنت۔
