![](https://zrumbesh.com/wp-content/uploads/2024/02/Zrumbesh-Image-1024x627.jpg)
بولان: مرچی دو روچ اِنت کہ زورگریں پاکستانی لشکر بازیں کچے ءَ جتا جتائیں جاھاں لشکرکشی کنگ ءَ اِنت پہ کمک ءَ جنگی بالگرد ترّ ءُ گرد کنگ ءَ اَنت۔
بنشون ءِ رد ءَ پاکستانی لشکر بولان، سبی ءُ ھرنانی ءِ جتائیں ھنداں بزگر، لکڑ، سانگان، لاکی، جمبرو، چکی، وڈ، میان کور ءُ کِر ءُ کشاں لشکرکشی کنگ ءَ اِنت۔
پاکستانی لشکر ءَ پہ لشکرکشی ءِ دراجکش کنگ ءَ بازیں جاھاں بنجل جتگ۔ لشکر ءَ کور ءُ شیپانی دپاں سنگر ءُ نشتگ۔ زورگریں لشکر کوھانی تہ ءَ تیرگواری کنگ ءُ مارٹر آس دیگ ءَ اِنت۔
ھندی بنشونے ءِ رد ءَ مرچی سھب ءَ بولان ءُ سبی ءَ کم چہ کم ھشت جنگی بالگرد ترّ ءُ گرد کنگ ءَ گندگ بوتگ اَنت۔