نسیر آباد: گوستگیں روچاں پاکستانی لشکر ءِ جوڑ کرتگیں چیریں ادارھانی کارمندانی دست ءَ سندی راجدوستیں سروک ھدایت لوھار ءِ ناھکیں کوش ءِ بگیری ءَ پنچ شمبے ءِ روچ ءَ زھرشانی روانکے کشگ بوتگ۔
زھرشانی روانک ھدایت لوھار ءِ جنک ءُ وائس پار مسنگ پرسنز آپ سند ءِ سروک سسی ءُ سورٹ لوھار ءِ سروکی ءَ کشگ بوتگ۔ روانک ءَ سیاسی، چاگردی ءُ مردمی ھکانی کارکناں بازیں کچے ءَ بھر زرتگ۔
دومی نیمگ ءَ سند ءِ راجدوستیں گل پ ٹ الپ ءُ جیئے سند ءِ نیمگ ءَ شش روچ اِنت کہ تیوگیں سند ءَ زھرشانی یکشل ءَ برجاہ اَنت۔
