نال: گوستگیں روچاں گریشگ ءَ ماسٹر یونس ءِ آوار جتگ ءُ زور نکاہ کرتگیں جنک سمرینہ ءِ مات بسران پہ پریس کانپریس ءَ ھزدار پریس کلب ءَ شتگ ءُ پریس کلب ءِ واکدار ءَ پریس کلب ءَ پترگ ءَ نہ اشتگ۔
بسران وتی تامربندے شنگ کرتگ ءُ گوشتگ کہ من پہ پریس کانپریس ءَ ھزدار پریس کلب ءَ شتگ آں اود ءَ آیاں من ءَ تیلانک داتگ ءُ کش اتگ مارا گپ ءَ نہ اشتگ۔ من لوٹ اتگ کہ ڈن ءَ تامربندے جوڑ کن آں من ءَ نہ اشتگ اش۔ مئے زھگ ھم برگ بوتگ کس مئے گون ءَ گپ ءَ جاڑیگ نہ اِنت۔ دمگدار ءُ کمک دمگدار درس میابار ءِ پھنات ءَ اَنت۔
آئی ءَگوشتگ کہ منی زھگ ءَ انگت ءَ آرگ ءُ مارا سر کنگ ءَ نہ اَنت۔ کجام کانود ءِ بنیاد ءَ منی زھگ اش یک سردارے ءِ گس ءَ برتگ ءُ داشتگ۔
بسران ءَ گوشتگ کہ منی ایپ آر نبیسگ نہ بوتگ من زھرشانی کرتگ درسیں مردم مچ بوتگ اَنت، ھمے بنیاد ءَ منی ایپ آئی آر نبیسگ بوتگ۔
