سند: سندی راجدوستیں سروک ءُ سسی ءُ سورٹ لوھار ءِ پت ھدایت لوھار ءِ ناھکیں کوش ءِ بگیری ءَ نسیرآباد ءَ زھرشانی نندانک ءَ ھوار چار روچ اِنت کہ تیوگیں سند ءَ زھرشانی برجاہ اَنت۔
ھدایت لوھار 16 پروری ءَ نسیر آباد ءَ پاکستانی لشکر ءِ جوڑ کرتگیں چیریں ادرھانی کارمنداں نشانگ کرتگ ءُ شھید کرتگ۔ ھدایت لوھار ءِ ناھکیں کوش ءِ بگیری ءَ چار روچ اِنت کہ آئی جنک سورٹ ءُ سسی لوھار ءِ سروکی ءَ نسیر آباد لاڑکانہ شھدگ ءَ زھرشانی نندانک برجاہ اِنت۔
سے شمبے ءِ روچ ءَ زھرشانی نندانک ءَ جئے سندکومی مھاز ءَ ھوار آدگہ سیاسی ءُ چاگردی گلانی سروکاں بازیں کچے ءَ بھر زرتگ ءُ سسی ءُ سورٹ لوھار ءِ گون ءَ ھمدردی درشان کرتگ۔
ایس ایس پی کمبر شھداد کوٹ زھرشانی نندانک ءَ آتکگ ءُ گوں مسنگ پرسن آپ سند ءِ سروک سورٹ لوھار ءُ سسی لوھار ءِ گون ءَ گپ ءُ تران کرتگ کہ شمئے پت ءِ ایپ آئی آر ءَ پجار نہ بوتگیں مردمانی نام ءَ نبشتہ کن ایں نندانک ءَ ھلاس بہ کن اِت شھید ھدایت لوھار ءِ کھول ءَ گوشتگ کہ ایپ آئی آر ءَ چیریں ادرھانی نام ءَ نبشتہ بہ کن اِت آیانی میان ءَ گپ ءُ تران بے سوب بوتگ۔
دومی نیمگ ءَ سند ءِ سیاسی گلانی نیمگ ءَ کراچی ءَ ھوار سند ءِ جتاجتائیں شھراں زھرشانی برجاہ بوتگ اَنت۔
