گوادر: کلانچ ءَ نو سال پیش زور بیگواہ کنگ بوتگیں امیر بکش ءِ جنک سدپ امیربکش ءَ وتی تامربندے ءَ پہ وتی پت ءِ آجوئی ءَ توار چست کنگ ءِ لوٹ کرتگ۔
آئی ءَ گوشتگ کہ منی پت امیر بکش دہ سال پیش 4 اگست 2014 ءَ چہ کلانچ ءَ زور بیگواہ کنگ بوتگ، یک دھکے ءِ گوزگ ءَ پد مارا انگت ءَ ھچ وڑیں ھال دیگ ءَ نہ اَنت۔ من پہ وتی پت ءِ آجوئی ءَ اسلام آباد زھرشانی ءَ بھر زرتگ بلے دست ھالیگ ءَ آتکگاں۔
زور بیگواھیں امیربکش ءِ جنک ءَ گوشتگ کہ 21 پروری 2024 ءَ ما پہ وتی پت ءِ آجوئی ءَ وائس پارجسٹس ءِ ھواری ءَ چاگردی رسانکدر ایکس ءَ یک کمپینے برجم درگ ءَ ایں۔
سدپ امیر بکش ءَ گوں مردماں کمپین ءَ بھر زورگ ءِ لوٹ کرتگ ءُ گوشتگ کہ اے کمپین شپ ءِ ھپت ءَ داں دوازہ ءَ برجاہ بیت پہ منی پت ءِ آجوئی ءَ توار چست بہ کن اِت۔ ھیشٹیگ #ReleaseAmeerBaksh کارمرز بہ کن اِت۔
