کراچی: پولیس ءَ زورانسری بیگواھیں شبیر ءِ لوگبانک زرینہ، گھار شبانہ، بلوچ یکجھتی کمیٹی ( کراچی) سروک آمنہ، بیگواھیں ڈاکٹر دین مھمد ءِ جنک وی بی ایم پی ءِ کارگشاد سمی دین، ندا کرمانی ءُ دوستین ءَ ھوار بازیں مردمے دزگیر کرتگ۔ سمی دین ءَ رسانکدر ءَ تران کرتگ ءُ گوشتگ کہ چہ گوستگیں روچاں کراچی بازیں مردمے زورانسری بیگواہ بیتگ ما پہ آیانی زورانسری بیگواھی ءِ بیگری ءِ زھرشانی کنگ ءِ جار جتگ، مرچی مئے زھرشانی بیگ ءَ بیتگ کہ پولیس 144 دپہ جتگ ما وتی زھرشانی مھتل داشتگ۔
وھدے مئے دور ءَ چہ آیوکیں مردم اے باروا سرپد نہ بیتگ اَنت چہ آیاں دو مردم اد ءَ سربیتگ پولیس ءَ دزگیر کرتگ اَنت۔ وھدے ما پہ آیانی جُست ءُ پُرس کنگ ءَ اد ءَ آتکگ ایں پولیس ءَ مئے آدگہ مردم دزگیر کرتگ اَنت۔
یات بہ بہ اِت کہ اسلام آباد، پنجاپ ءُ سند ءَ 144 دپہ جنگ بیتگ ءُ پنچ ءَ گیش مردم ءِ یکجاہ بیگ ءِ سر ءَ پابندی اِنت۔
بنشون: اھوالکار | اکس: اھوالکار
