کراچی: ماڑی پور ٹکری ولیج سنگھور پاڑہ ءَ مرچی سھب ءَ پولیس ءُ چیریں ادارھانی کارمنداں بیڑ برتگ دو نودربراں ھوار پنچ مردم زورانسری آوار جتگ۔
بنشون ءِ رد ءَ بیگواھیں مردمانی پجار نواز الی ء ناسر، آدل ء امام بکش، زاھد ء جان مھمد، اسرار ء مھمد انور ءُ الی ء بکشی ءِ ناماں زانگ بیتگ اَنت۔
اسرار، نواز ءُ الی پیسر ءَ ھم آوار جنگ بیتگ اَنت ءُ پد ءَ یل بیتگ اَنت، اے دومی رند اِنت کہ آوار جنگ بیتگ اَنت۔
ھندی بنشونے ءِ رد ءَ بیگواھیں مردماں الی ءُ اسرار نودربر اَنت ءُ پٹبالر اَنت۔ آدگہ بیگواھیں مردمانی روزگار ماھیگیری ءُ مزوری اِنت۔
بنشون: ٹی بی پی | اکس: ٹی بی پی
