گوستگیں روچءَ اوگانستان ءِ بُنجاھی شھر کابل ءَ جما ءِ نماز وھد ءَ مسیت توک ءَ بمب تراکے ءَ پیش امام ءَ ھوار 12 مردُم بیران ءُ 15 مردُم زدگ بیتگ۔
کابل پولیس ءَ گوشتگ:بمب نماز ءَ چہ پیش مسیت ءِ توک ءَ ایر کنگ بیتگ مسیت ءِ پیش امام اُرشکارانی نشانگ بیتگ۔
یات بہ بہ اِت کہ رمزان ءِ بنداتی روچ ءَ تالبانی سروک ءَ ائید ءِ سئیں روچاں جنگ بندی ءِ جار جتگ اَت۔
انگت اے تراک ءِ زمہ واری ھچ گل ءَ نہ زُرتگ۔
