گزہ: پلستینی گھگیری گل ھماس ءُ اسرائیل ءِ میان ءَ پنچ روچ اِنت کہ میڑبرجاہ اِنت۔ اسرائیل ءِ نیمگ ءَ گزہ ءَ راہ ءُ دگ بند کنگ بیتگ اَنت ءُ اسرائیل ءَ وتی اُرش تیز کرتگ اَنت۔
جھانی رسانکدر ءِ رد ءَ اسرائیل ءِ نیمگ ءَ گزہ ءَ دو سد ارش کنگ بیتگ، اُرشانی نشانگ بیگ ءَ باھوٹیانی گدان ھم ھوار اَنت۔ ایمولینس ءُ کمکار ھم اُرشانی زد ءَ کپتگ اَنت۔ اُرشانی آسر ءَ نوہ سد ءَ گیش پلستینی بیران ءُ چار ھزار ءَ گیش ٹپی بیتگ۔
اسرائیل ءَ گزہ ءَ راہ ءُ دگانی بند کنگ ءِ ھواری ءَ آپ، لین، وراک ءُ آدگہ سامان ھم بند کرتگ اَنت، چہ ایشی ءِ سوب ءَ گزہ ءِ جھمنند سکا جنجالانی دیمپان اَنت۔
اکوام متھدہ ءَ گزہ ءِ پابندی میان استمان ءِ کانود ءِ بگیری لیک اتگ ءُ گوشتگ کہ اے بند آرگ پہ شھری ءُ پدریچ ءَ بلاھیں ترسے ودی کنت۔
اکوام متھدہ ءِ ادارہ یونیسپ ءَ پہ مردمانی گزہ ءِ تہ ءُ ڈن ءَ روگ ءَ راھداری ءِ لوٹ کرتگ۔
یونیسپ ءِ گوشگ اِنت کہ یک لک ءُ ھشتاد ءُ ھپت ھزار ءَ گیش مردم وتی گسانی یل کنگ ءُ وانگجاھانی تہ ءَ زند گوازینگ ءَ لاچار اِنت۔
بنشون: جھانی رسانکدر / اکس: دامگ
