الئین: ساچشت ادبی چاگرد (ساچ) ءِ چیردستی ءَ 6 اکتوبر 2023 ءَ آشوبی لچہ کار نمیرانیں مبارک کازی ءِ یات ءَ پرسی دیوانے ماں الئین مساکن ءَ برجم دارگ بیتگ۔
دیوان ءِ گچینی مھمان تربت سول سوسائٹی ءِ سروک گلزار دوست، ھمید ساجد، اللہ بکش کھدائی ءُ نُسرت مراد بیتگ اَنت، دیوان ءَ بلوچی زبان ءِ شائر ءُ گشندھانی ھواری ءَ مردماں بازیں کچے ءَ بھر زرتگ۔
دیوان ءِ جارچین بلوچی زبان ءِ شائر ءُ نبشتہ کار شئے سید بیتگ، دیوان سے بھرانی تہ ءَ ردانک، شائری ءُ ساز ءُ زیمل بیتگ۔
دیوان ءَ نمیرانیں مبارک کازی ءِ اکسانی دیم ءَ گل ءِ کارمستر ازگر زھیر ءُ لیاکت امین ءَ ڈیوا بالینتگ ءُ دو دمان ءِ بے تواری ءَ پد دیوان بندات کنگ بیتگ۔ دیوان ءِ اولی بھر ءَ گلزار وست، اکتر رھیم ءُ ازگر زھیر ءَ نمیرانیں مبارک کازی ءِ زند ءُ ازم ءِ سر ءَ تران کرتگ ءُ وتی ھیال درشان کرتگ اَنت۔
دومی بھر ءَ لچہ کاراں اے ایم داد، جوھر دشتی، داد جان داد، اللہ بکش کھدائی، مولا داد مھسوم، رپیک جوھر، ھمید ساجد، الم ھمل، نُسرت مُراد، شاہ الاھی، آرپ داد، ازت ابدال، شاکر شھور، شئے سید، لیاکت امین ءُ ازگر زھیر ءَ وتی وتی شئیر ونتگ اَنت۔
دیوان ءِ سیمی ءُ گڈی بھر ءَ ساز ءُ زیمل بیتگ کہ ساجد ھان سدپ، گُلاب یوسُپ، وارس ارمان، جوھر دشتی، مکتار ھسن ءُ اتا اللہ (الّن پکیر) ءَ سوت گوشتگ ءُ دیوان وشنود کرتگ۔
دیوان ءِ گُڈ سر ءَ ساچشت ادبی چاگرد (ساچ) ءِ کارمستر ازگر زھیر دیوان ءَ اتکگیں مھمانانی ءُ دیوان جاگہ ءِ واھند ءِ منت گِپت ءُ دیوان ءِ آسری ءِ جار جتگ۔
بنشون: ساچ / اکس: ساچ
