کابل: شمبے ءِ روچ ءَ اوگانستان ءِ زرباری شھر ھرات ءَ زمین چنڈ ءَ پانزہ مردم بیران ءُ درزنانی کچ ءَ مردم زدگ بیتگ اَنت۔
جھانی رسانکدر ءِ رد ءَ روکپتی اوگانستان ءَ زمین چنڈ ءِ زور 6۰3 بیتگ، زمین چنڈ ءِ آسر ءَ پانزہ مردم بیران ءُ درزنانی کچ ءَ مردم زدگ بیتگ اَنت۔ چہ گِس ءُ ماڑیانی لمبگ ءَ بیران بیتگیں مردمانی کچ گیشتر بیت۔
امریکہ ءِ جیولوجیکل سروے ( یو ایس جی ایس ) ءِ گوشگ اِنت کہ زمین چنڈ ءِ بنجاہ چہ ھرات ءَ چل کلو میٹر گستا بیتگ۔
اوگان سرکار ءِ جارکش ءِ گوشگ اِنت کہ وھدے سھب ءِ ادار یازدہ ءِ نزیک ءَ اولی زمین چنڈ بیتگ گڑا مردماں وتی گِس ءُ دکان یل داتگ ءُ جستگ اَنت۔ یک شھری یے بیران ءُ بیست ءُ پنچ زدگ بیتگ۔
بنشون: جھانی رسانکدر / اکس: دامگ
