ترکی پارلیمنٹ ءَ مرچی سھب ءَ بیتگیں پدائی اُرش ءِ زمہ واری کرد آجوئی لوٹوکیں گل پی کے کے ءَ منّ اتگ ءُ گوشتگ کہ مرچی پی کے کے ءِ پدائی بھرگ ءِ دو جنین ایں باسکاں کامریڈ زوجت زلان ءُ اردلان وھیان ءَ ترکی ءِ دری کاری وزیر ءِ بگیری ءَ یک سوبمندیں کاروائی یے کرتگ ءُ انکرہ ءَ ترکی ءِ پارلیمنٹ نشانگ کرتگ۔
گل ءَ وتی درشان ءَ گوشتگ کہ اے اُرش ترکی ءِ وھد ءِ ھساب ءَ سھب ءِ نوہ ءَ بیتگ۔ اے پدائی ھمبلاں جنگی رپکانی رد ءَ شھری پھریز اتگ اَنت ءُ وتی نشانگ ءَ سربیگ ءَ سوبین بیتگ اَنت۔
آئی ءَ اے اُرش ترکی ءَ بندیگیں کرد شھریانی سر ءَ برجاھیں رستری زوراکی، زھرناکیں سلاھانی کارمرز کنگ ءُ کرد جنگولانی بگیری ءَ جنگی میارباری ءِ بنیا ءَ ترک لشکر ءِ بگیری ءَ یک دینداری یے لیک اِتگ۔
گل ءَ اے اُرش ” امر گروپ“ ءِ یک پیشیگیں کماندارے شھید اکتن موس پنام ھولیا دمیرور ءِ نام ءَ کرتگ ءُ گوشتگ کہ شھیدیں پدائیانی دیمونی شموشگ نہ بنت ءُ داں کرد سرڈگار ءِ آجوئی ءَ دُژمن ءِ بگیری ءَ آیانی جھد برجاہ بیت۔
بنشون: درشان / اکس: دامگ
