یوگنڈا: سلاہ بندیں مردماں وانگجاھے ءَ اُرش کرتگ بیست ءُ پنچ مردم کشتگ ءُ باز مردم ٹپی بیتگ۔ جھانی رسانکدر ءَ رد ءَ یوگنڈا ءِ روکپتی دمگ کانگو ءَ داھش ءِ ھمگرنچیں سلاہ بندیں گل اے ایپ ڈی ءِ کارمنداں وانگجاھے ءَ اُرش کرتگ زھگاں ھوار بیست ءُ پنچ مردم کشتگ ءُ ھژدہ مردم ٹپی اِنت۔
سلاہ بنداں وابجاہ ھم مانداشتگ۔ پولیس ءِ رد ءَ چہ اے وانگجاہ ءَ بیست ءُ پنچ مردمانی جون کشگ بیتگ ءُ بویر ءَ نادراھجاہ ءَ برگ بیتگ اَنت۔
دگہ ھشت ٹپی بیتگیں مردم ھم ھمے نادراھجاہ ءَ درمان کنگ بیگ ءَ اَنت۔ ٹپی بیتگیں مردمانی جاور ناگیگ اَنت۔ جھانی رسانکدر ءِ رد ءَ انگت ءَ چہ پولیس ءِ نیمگ ءَ اے گپ راست کنگ نہ بیتگ کہ کشگ بیتگیں مردمانی تہ ءَ چنچو زھگ ھوار اِنت۔
بنشون: جھانی رسانکدر | اکس: دامگ
