کابل: اوگانستان ءِ استان بدکشان ءَ بمب تراکے ءَ بدکشان ءِ گورنر مولوی نسار اھمد اھمدی ءُ آئی ءِ ڈرائیور بیران ءُ دہ مردم ٹپی بیتگ۔ اوگانستان ءِ رسانکدر ءِ رد ءَ بمب تراک ھما وھد ءَ بیتگ کہ گونر مولوی نسار اھمد اھمدی بدکشان ءَ یک دیوانے ءَ روگ ءَ بیتگ۔
بدکشان ءِ جارکش ءِ گوشگ اِنت کہ گورنر نسار اھمد چہ بمب تراک ءَ ٹپی بیتگ ءُ درمان کنگ ءِ وھد ءَ آئی ءَ ٹپانی درد نہ سگ اِتگ اَنت ءُ بیران بیتگ۔ آئی ءِ ڈرائیور جاھی بیران بیتگ۔
جارکش ءِ رد ءَ چہ ٹپی بیتگیں دہ مردماں دو مردم ءِ جاور ناگیگ اَنت، ھمے تُرس اِنت کہ بیران بیتگیں مردمانی کچ گیشتر بیت۔
بنشون: جھانی رسانکدر | اکس: دامگ
