سری نگر: کشمیر ءَ مساپر بس ءُ کار گاڑی یے ءِ چپی بیگ ءَ شانزہ مردم بیران ءُ باز مردم زدگ بیتگ۔ جھانی رسانکدر ءِ رد ءَ جموں ءِ دمگ جھجر ءَ مساپر بسے ءِ چپی بیگ ءَ دہ مردم بیران ءُ پنجاہ ءُ پنچ مردم زدگ بیتگ اَنت۔
مساپر بس ءَ ھندو یاتری گوں بیتگ اَنت کہ چہ امرتسر ءَ دیم پہ جموں ءِ نیمگ ءَ یک گوستانکے مندرے ءِ سالینگیں مراگشے ءَ روگ ءَ بیتگ کہ یک موڑے ءَ چہ پھل ءَ جھل ءَ کپتگ۔
بیران ءُ زدگ بیتگیں مردمانی تہ ءَ جنین ءُ زھگ ھوار اَنت۔ پنجاہ ءُ پنچ زدگ بیتگیں مردم پہ درمان کنگ ءَ نزیکیں نادراھجاھے ءَ برگ بیتگ۔
چہ زدگ بیتگیں مردماں نوں مردم ءِ جاور ناگیگ اَنت، ھمے تُرس پدر کنگ بیگ ءَ اِنت کہ بیران بیتگیں مردمانی کچ گیشتر بوت کنت۔
دومی نیمگ ءَ چہ ڈوڈہ ءَ دیم پہ جموں ءَ روگ ءَ بیتگیں کار گاڑی یے چہ پھلے ءَ جھل ءَ کپتگ یکیں کھول ءِ شش مردم بیران بیتگ۔
بیران بیتگیں مردمانی تہ ءَ ڈاکٹرے ھوار اِنت۔
بنشون: جھانی رسانکدر | اکس: دامگ
