انامبرا: نائجیریا ءِ ریاست انامبرا ءَ پجار نہ بیتگیں سلاہ بندیں مردماں امریکی سپارتکارانی کاروان ءِ سر ءَ اُرش کرتگ۔
جھانی رسانکدر ءِ رد ءَ نائجیریا ءِ ریاست انامبرا ءَ پجار نہ بیتگیں سلاہ بندیں مردماں امریکی سپارتکارانی کاروان ءِ سر ءَ اُرش کرتگ چہ ایشی ءَ دو پولیس کارمند ءُ دو کونسل ءِ کارمند مرتگ ءُ دگہ دو پولیس کارمند ءِ ھواری ءَ ڈرائیور آوار جتگ ءُ گوں وت برتگ۔
جھانی رسانکدر ءِ رد ءَ سلاہ بندیں مردماں پولیس کارمند ءُ کونسل ءِ کارمندانی کشگ ءَ پد گاڑی گوں جونانی ھواری مانداشتگ ءُ جستگ اَنت۔
سلاہ بندیں مردمانی باروا ھچ وڑیں ھال رسگ ءَ نہ اِنت۔
اے باروا نائجیریا ءِ سرکار ءِ نیمگ ءَ کشگ ءُ آوار جنگ بیتگیں کارمندانی پجار کنگ نہ بیتگ ءُ انگت اے گپ ھم گوشگ نہ بیتگ کہ سپارتکارانی کاروان ءَ چنچو مردم ھوار بیتگ ءُ کُج ءَ پہ کجام کار ءَ روگ ءَ بیتگ اَنت۔
بنشون: جھانی رسانکدر |اکس: دامگ
