کوست: اوگانستان ءِ استان کوست ءَ ڈرون اُرشے ءَ دو زھگ بیران ءُ جنینے ءَ ھوار دو مردم ٹپی اِنت۔ جھانی رسانکدر ءِ رد ءَ ڈرون اُرش مرچی سے شمبے ءِ روچ ءَ کوست ءِ میتگ اسماھیل ھان کیل ءَ بیتگ۔
چہ ڈرون اُرش ءَ تھریک تالبان پاکستان ءِ کماندارے ءِ گس نشانگ کنگ بیتگ، چہ ایشی ءِ آسر ءَ دو زھگ بیران ءُ کماندار گوں لوبانک ءِ ھواری ءَ ٹپی اِنت۔
بیران بیتگیں دوئیں زھگ وت ماں وت گھار ءُ برات اَنت۔ آئی ءِ باروا ھمے گوشگ بیگ ءَ اِنت کہ آ گوریچانی وزیرستان ءِ جھمنند اِنت اوگانستان ءَ باھوٹ بیتگ۔
اے درگت ءَ چہ سرکار ءِ نیمگ ءَ ھچ وڑیں درشان دیم ءَ نہ یتکگ۔
بنشون: جھانی رسانکدر | اکس: دامگ
