گزہ: پلستین ءِ ھند گزہ ءَ پنچ روچ اِنت کہ اسرائیل ءِ بمبگواری یکشل ءَ برجاہ اِنت، چہ بمبگواریاں مرتگیں مردمانی کچ سی ءُ پنچ بیتگ۔
جھانی رسانکدر ءِ رد ءَ گزہ ءِ کِرءُ کشانی ھنداں اسرائیلی لشکر ءِ جنگی بالگردانی بمبگواری یکشل ءَ برجاہ اَنت، اُرش ءِ آسر ءَ باز مردم مرتگ ءُ باز ٹپی اِنت۔
چہ بمبگواریانی سوب ءَ بازیں ماڑی ھم تباہ بیتگ اَنت۔ جھانی رسانکدر ءِ رد ءَ دومی نیمگ ءَ اسرائیل ءِ لشکر ءَ پلستینی باھوٹیانی بنجلاں بیڑ برتگ ءُ بازیں مردم لٹ شاپ کرتگ اَنت کہ آیانی تہ ءَ مرد، جنین ءُ زھگ ھوار اَنت۔
باز مردم دزگیر کرتگ ءُ برتگ اَنت۔ اسلامی جھاد زْرمبشت ءِ رد ءَ چہ اسرائیلی لشکر ءِ بمگواریاں شش اسلامی جھاد ءِ سروک کشگ بیتگ۔
چہ پنچ روچ ءِ بمگواریاں شش زھگانی ھواری ءَ سی ءُ پنچ پلستینی مرتگ۔
بنشون: جھانی رسانکدر |اکس: دامگ
