گزہ: چہ اسرائیل ءِ نیمگ ءَ بمبگواریاں مرتگیں پلستینانی کَچ بیست ءُ ھپت بیتگ، باز مردم ٹپی اِنت۔ جھانی رسانکدر ءِ رد ءَ گزہ ءَ اسرائیل ءِ بمبگواریاں بیست ءُ ھپت مرتگیں مردمانی تہ ءَ پنچ زھگ ءُ پنچ جنین ھوار اِنت۔
اُرشانی آسر ءَ ھپتاد ءَ گیش پلستینی ٹپی اِنت۔
مرتگیں مردمانی تہ ءَ پلستینی اسلامک جھاد موومنٹ ءِ کماندار ھم ھوار اَنت۔ رسانکدر ءِ رد ءَ اسرائیل ءِ نیمگ ءَ پنچ شمبے ءِ سھب ءَ پہ پلستینی اسلامک جھاد موومنٹ ءِ کماندارانی نشانگ کنگ ءَ یکیں جاہ ءَ باز راکٹ آس دیگ بیتگ۔ چہ ایشی ءَ اَبید اسرائیل ءِ نیمگ ءَ یکشلیں بمبگواریانی سوب ءَ گزہ ءَ بازیں گس ھم تاوان بیتگ اَنت۔
بنشون: جھانی رسانکدر | اکس: دامگ
