جھان ءِ مستریں زر دار ایلون مسک ءَ ٹویٹر ءَ مُرگ ءِ لوگو اکس مٹ کرتگ ءُ ڈیجیٹل کرپٹو کرنسی ڈاج کوائن ءِ لوگو شیبا اینو یک کچکے ءِ اَکس زرتگ۔
دری رسانکدرانی رد ءَ ایلون مسک ءَ ٹویٹر لوگو جاگہ ءَ ڈیجیٹل کرپٹو کرنسی ءِ لوگو شیبا اینو زرتگ۔ شیبا اینو یک جاپانی کچکے کہ ڈیجیٹل کرنسی کرپٹو ءِ لوگو ءِ اَکس اِنت اے کرپٹو کرنسی ءِ نھاد چہ اے کار ءَ پد 30 درسد گیش بیتگ۔
جھان ءِ سیرترین باپاری ایلون مسک ءَ اے کار ھمے وھد ءَ کرتگ کہ آدینگ ءِ روچ ءَ ایلون مسک ءِ وکیل ءَ یک ارزی یے ءِ بگیری ءَ دزبندی کرتگ کہ اے کیس ھلاس کنگ بہ بیت کہ یک مردمے ءَ ایلون مسک ءِ سر ءَ کیس کرتگ کہ ایلون مسک ءَ ڈاج کوئن ءِ نھاد ءِ گیش کنگ ءَ ردیں چست ءُ ایر کرتگ۔
کیس ءِ تہ ءَ ایلون مسک ءَ 258 ارب ڈالر ءِ ڈنڈ کنگ بیتگ کہ ایلون مسک ءَ ڈاج کوئن ءِ نھاد گیش کنگ ءَ ردیں کار کرتگ کہ اے کوئن ءِ نھاد 36 درسد ودّ اِتگ۔ ٹویٹر مُرگ ءِ لوگو مٹ کنگ ءَ پَد ایلون مسک ءَ وتی ٹویٹر اکاؤنٹ ڈاج کوئن لوگو ءِ اَکس ٹویٹ کرتگ کہ اے ٹویٹر اکاؤنٹ ءِ 13 کروڑ ءُ 30 لک پالور ور اَنت۔
ایلون مسک ءَ اے ڈیجیٹل کرپٹو کرنسی ءِ بابت ءَ باز رند ءَ گپ جتگ ۔ اے ڈیجیٹل کرنسی چہ درساں پیش 2013 ءَ یک توازھے ءِ بنیاد ءَ جوڑ کنگ ءُ شنگ کنگ بیتگ بلے ایلون مسک ءِ مُدامی گپانی سوب ءَ اے کرپٹو کرنسی ءِ نھاد ودّ اِتگ۔ مرچی اے ڈیجیٹل ڈاج کوئن کرنسی کرپٹو کرنسیانی تہ ءَ ھشتمی مستریں کرپٹو کرنسی اِنت۔
بنشون: جھانی رسانکدر | اکس: دامگ
