![](https://zrumbesh.com/wp-content/uploads/2024/02/1000220485.jpg)
بلوچ راجی آجوئی سنگر (براس) ءِ جارکش بلوچ ھان ءَ ماں رسانکدر ءَ وتی شنگ کرتگیں درشانے ءَ گوشتگ کہ براس ءِ سرمچاراں بیست ءُ پنچ اُرشاں زورگریں پاکستانی لشکر ءُ وتگڑیں گچینکاری ءِ بنجل نشانگ کرتگ اَنت۔
آئی گوشتگ کہ براس ءِ سرمچاراں مرچی نیمروچ ءِ یک ءَ آپسی کھن ءِ نزیک ءَ پاکستانی لشکر ءِ سے گاڑیانی کاروان ءِ سر ءَ گوں وتکار ءُ مزنیں سلاھاں اُرش کرتگ۔ کاروان ءَ ھواریں یک گاڑی یے اُرش ءِ زد ءَ آتکگ ایشی آسر ءَ سے کارمند جاھی مرتگ ءُ سے ٹپی بوتگ۔
جارکش ءَ گوشتگ کہ دگہ یک ارشے ءَ اپسی کھن ءَ سرمچاراں سھب ءِ ھشت ءِ نزیک ءَ گچینکاری جاہ گوں بمب ءَ نشانگ کرتگ۔
آئی گوشتگ کہ براس ءِ سرمچاراں سھب ءِ نو ءِ نزیک ءَ کیچ ءِ ھند گوک رودان کور ءَ زورگریں پاکستانی لشکر ءِ پیادگیں کارمند گوں اُرش ءَ نشانگ کرتگ اَنت۔ اُرش ءِ آسر ءَ دو کارمند مرتگ ءُ دو ٹپی بوتگ۔
جارکش ءَ گوشتگ کہ سرمچاراں رودان کوہ ءَ دگہ یک اُرشے کرتگ زورگریں پاکستانی لشکر ءِ پانگس نشانگ کرتگ۔ اُرش ءَ دُژمنیں کارمنداں جانی ءُ مالی تاوان بوتگ۔
آئی ءَ گوشتگ کہ براس ءِ سرمچاراں سھب ءِ نو ءِ نزیک ءَ گومازی ءِ گچینکاری جاہ گوں دستی بمب ءَ نشانگ کرتگ۔ ھمے گچینکاری جاہ دہ ءِ نزیک ءَ دگہ یک دستی بمب اُرشے ءَ نشانگ کرتگ۔
جارکش ءَ گوشتگ کہ سرمچاراں کیچ ءِ ھند شاھرک ءَ دوازدہ ءِ نزیک ءَ زورگریں پاکستانی لشکر ءِ بنجل نشانگ کرتگ، اُرش ءَ دُژمن کارمنداں جانی ءُ مالی تاوان بوتگ۔ براس ءِ سرمچاراں مرچی سھب ءَ پٹان کور ءَ وتگڑیں گچیینکاری جاہ گوں راکٹاں نشانگ کرتگ۔
آئی گوشتگ کہ سرمچاراں سھب ءِ ھشت ءَ گوکدان ءَ گچینکاری جاہ ءِ سر ءَ راکٹ آس داتگ ءُ نشانگ کرتگ، اُرش ءِ آسر ءَ گچینکاری جاہ ءَ سکا تاوان بوتگ۔ سرمچاراں دو ءِ نزیک ءَ گوکدان کلز گچینکاری جاہ گوں دستی بمب ءَ نشانگ کرتگ۔
جارکش ءَ گوشتگ کہ دگہ یک کارروائی یے ءَ چار ءِ نزیک ءَ سرمچاراں گوکدان ءَ کلز گچینکاری جاہ ءَ تیرگواری کرتگ۔
آئی ءَ گوشتگ کہ براس ءِ سرمچاراں سھب ءِ دہ ءَ ھاران کلہ ءَ وتگڑیں گچنکاری ءِ بنجل گوں تراکناکیں شورھاں نشانگ کرتگ، چہ ایشی گچینکاری جاہ ءَ سکا تاوان بوتگ۔ سرمچاراں یازدہ ءِ نزیک ءَ ریسٹ ھاؤس ءَ برجاھیں گچینکاری جاہ گوں دستی بمب ءَ نشانگ کرتگ۔
جارکش ءَ گوشتگ کہ براس ءِ سرمچاراں پنجگور ھدابادان ءَ گچینکاری جاہ گوں بمب ءَ نشانگ کرتگ۔ سرمچاراں گومازی ءَ شھید کپٹن جھانگیر ءِ گِس ءَ برجاھیں پاکستانی لشکر ءِ پانگس ءِ سر ءَ گوں وتکاریں سلاھاں اُرش کرتگ، اُرش ءِ آسر ءَ دُژمن ءَ جانی ءُ مالی تاوان بوتگ۔
آئی گوشتگ کہ براس ءِ سرمچاراں 7 پروری ءَ شپ ءِ دہ ءِ نزیک ءَ کیچ ءِ ھند ناسر آباد ءَ زورگریں پاکستانی لشکر ءُ وتگڑیں کشندہ ٹولی ءِ ھپت گاڑیانی کاروان گوں تراکناکیں شورھاں نشانگ کرتگ۔ تراک ءِ زد ءَ آتکگیں زورگریں لشکر ءِ یک گاڑی یے تباہ بوتگ ءُ آئی سواریں چار کارمند جاھی مرتگ ءُ دو ٹپی بوتگ۔
جارکش ءَ گوشتگ کہ سرمچاراں ھپت پروری ءِ شپ ءَ آواران ءِ ھند ڈل بیدی ءَ گچینکاری جاہ گوں راکٹاں نشانگ کرتگ۔ براس ءِ سرمچاراں ھپت پروری ءَ تمپ ءَ یک گچینکاری جاھے گوں دستی بمب ءَ نشانگ کرتگ۔
آئی گوشتگ کہ دگہ یک کارروائی یے ءَ ھپت پروری ءِ شپ ءَ سرمچاراں شاھی تمپ ءِ گچینکاری جاہ گوں دستی بمب ءَ نشانگ کرتگ۔ براس ءِ سرمچاراں گوستگیں شپ ءَ بھمن ءَ وتگڑیں گچینکاری جاہ گوں دستی بمب ءَ نشانگ کرتگ۔
جارکش ءَ گوشتگ کہ سرمچاراں ھپت پروری ءِ شپ ءِ ھشت ءِ نزیک ءَ گوکدان ءَ گچینکاری جاہ گوں بمب ءَ نشانگ کرتگ ءُ پاکستانی لشکر ءِ پانگس مانداشتگ اَنت۔ سرمچاراں ھپت پروری ءَ تربت ءِ ھند چاھسر ءَ یک گچینکاری جاھے گوں دستی بمب ءَ نشانگ کرتگ۔
آئی گوشتگ کہ براس ءِ سرمچاراں ھپت پروری ءَ سند ءِ ھند تھڑی، مھبت میھڑ دادو ءُ میھڑ شھر ءَ دو گچینکاری جاہ نشانگ کرتگ اَنت۔ سرمچاراں پنچ پروری ءَ مستونگ ءَ کاریز سور ءَ پیپلز پارٹی ءِ امیدوار نور اھمد بنگلزھی ءِ کارگس گوں دستی بمب ءَ نشانگ کرتگ۔
جارکش ءَ گوشتگ کہ براس ءِ سرمچاراں جتائیں ھنداں پہ ریاستی کمکاراں تر ءُ گرد برجاہ داشتگ اَنت، سرمچاراں اے میان ءَ جتائیں ھنداں شھدگ بند کرتگ اَنت۔
براس ءِ جارکش بلوچ ھان ءَ گوشتگ کہ زورگریں ریاست ءَ سرجمیں بلوچستان ءَ میر ءُ مھتر، سردار ءُ آدگہ دروشماں کمکارانی پارست ءَ مردم بیھار داتگ اَنت ءُ وتگڑیں گچینکاری ءِ روچ ءَ چہ گِساں درکپگ ءَ لاچار کنگ ءِ جھد کرتگ اَنت۔ پہ اے کمکاراں براس زوت کارروائی کنت ءُ آیانی گُڈی آسر ءَ سر کنت۔