دھلی: ھندوستان ءِ ریاست سکم ءَ ھندوستانی لشکر ءِ گاڑی ءِ چپی بیگ ءَ سے سروگان ءَ ھوار شازدہ کارمند مرتگ۔
ھندوستانی رسانکدر ءِ رد ءَ سکم ءَ ھندوستانی لشکر ءِ گاڑی یے ءَ گوں ٹوھین سنگے ءَ ڈیک وارتگ ءُ چپی بیتگ
سے سروگان ءَ ھوار شازدہ لشکری کارمند مرتگ ءُ چار گیش زدگ بیتگ۔ لشکر ءِ گاڑی سرجم ءَ تباہ بیتگ۔
بنشون ءِ رد ءَ ھندوستانی لشکر ءِ سے گاڑیانی کاروانے چہ چتن ءَ دیم پہ ٹھنگو ءِ نیمگ ءَ روگ ءَ بیتگ کہ زیما ءَ گاڑی یے ءَ گوں سنگے ءَ ڈیک ورگ ءَ جھلیں کڈے ءَ کپتگ۔
ھندوستانی رسانکدر ءِ رد ءَ کَڈ انچش جھل اِنت کہ پہ مرتگیں کارمندانی جون ءُ زدگ بیتگیں کارمنْدانی کشگ سک جنجال کنگ ءَ اِنت ءُ پہ کمک ءَ جنگی بالگرد آتکگ اَنت۔
زدگ بیتگیں چار کارمند پہ درمان کنگ ءَ نزیکیں نادراھجاھے ءَ برگ بیتگ۔
بنشون: جھانی رسانکدر |اکس: دامگ
