بگوٹا : کولمیبا ءَ مساپر بسے ءِ سر ءَ کوھے لمب اِتگ 3 زھگاں ھوار 33 مردم مرتگ ءُ ھپت زدگ بیتگ۔ جھانی رسانکدر ءِ رد ءَ کولمبیا ءَ بشی ھوارانی سوب ءَ 250 ءَ گیش مردم مرتگ۔
چہ ھورانی سوب ءَ کوھانی راہ تُرسانک اَنت۔
کولمبْیا ءِ روکپتی استان ریسارلدا ءَ مساپر بسے ءِ سر ءَ ناگت ءَ کوھے لُمب اِتگ۔ چہ کمکارانی پَٹ ءُ پول کنگ ءَ 36 مردم ءِ جون ءُ ھپت زدگ بیتگیں مردم در کنگ ءُ نادراھجاہ ءَ برگ بیتگ اَنت۔
چہ زدگ بیتگیں ھپتیں مردماں چار مردم ءِ جاور ناگیگ اَنت۔ رسانکدر ءِ رد ءَ کولمبیا ءَ 40 سال ءَ رند اے وڑیں ھور ءُ ھار اتکگ کہ بازیں مردم ھور ءُ ھار ءِ آماچ بیتگ۔
جھانی رسانکدر ءِ رد ءَ اے وھدی سرجمیں جھان ءَ تُرندیں ھور ءُ برپگواری برجاہ اِنت۔
بنشون: جھانی رسانکدر | اکس: دامگ
