کیپ: یوکرین ءِ سرکار ءَ بھتام جتگ ءُ گوشتگ کہ یوکرین ءِ سر ءَ چہ روس ءِ اُرشاں چارسد ءَ گیش زھگ مرتگ۔
جھانی رسانکدر ءِ رد ءَ یوکرین ءِ پراسیکیوٹر جنرل ءَ وتی درشانے ءَ گوشتگ کہ چہ روس ءِ اُرشاں 437 زھگ مرتگ اَنت۔
آئی ءَ گوشتگ کہ جنگ ءِ وھد ءَ چہ روس ءِ میزائل اُرشاں رو در آتکی ڈونیٹسک ءِ ھند درساں گیش سانمنْد بیتگ اَنت کہ اود ءَ 423 زھگ مرتگ ءُ ٹپی بیتگ۔
دومی نیمگ ءَ اکوام متھدہ ءَ وتی یک گزارشے ءَ گوشتگ کہ چہ 24 پروری ءَ روس ءِ نیمگ ءَ کنگ بیتگیں اُرشاں داں انوں یوکرین ءَ 16 ھزار 295 شھری مرتگ۔
بنشون: جھانی رسانکدر | اکس: دامگ
