بلوچستان آجوئی سنگر ( بی ایل ایپ ) ءِ جارکش میجر گھرام ءَ جنوری 2024 ءِ اُرشانی گزارش ماں رسانکدر ءَ شنگ کرتگ ءُ گوشتگ کہ بی ایل ایپ ءِ سرمچاراں جنوری 2024 ءَ پاکستانی لشکر ءِ سر ءَ بیست اُرش کرتگ۔
آئی ءَ گوشتگ کہ اُرشانی آسر ءَ 37 ءَ گیش دُژمنیں پاکستانی لشکر ءِ کارمند مرتگ ءُ دگہ 21 کارمند ٹپی بوتگ۔ یک مزنیں راجدروھے ھم مرتگ۔ اُرشانی آسر ءَ دُژمن ءِ سے گاڑی سرجم ءَ تباہ بوتگ، آدگہ گاڑی ءُ پرپٹاں تاوان بوتگ۔
جارکش ءَ گوشتگ کہ دگہ یک کاروائی یے ءَ گچینکاری ءِ کارگس ءَ اُرش کرتگ ءُ ساڑی ئیں سے پولیس کارمندانی سلاہ دستیگ کرتگ اَنت۔
میجر گھرام ءَ گوشتگ کہ اے اُرشاں راکٹ لانچر، مزنیں سلاھاں ھوار تراکناکیں شورہ، دستی بمب ھم کارمرز کنگ بوتگ۔
