ماسکو: روسی جنگی بالگردے سائبریا ءَ ماڑی یے سر ءَ کپتگ ءُ تباہ بیتگ، بالگرد ءَ سواریں دو پائلٹ مرتگ۔
جھانی رسانکدر ءِ رد ءَ روسی جنگی بالگرد سائبریا ءِ شھر ارکتسک ءَ دو تبکی ماڑی یے ءِ سر ءَ کپتگ ءُ تباہ بیتگ۔
چہ بالگرد ءِ تباہ بیگ ءِ سوب ءَ دو پائلٹ مرتگ۔
روسی سرکار ءَ جنگی بالگرد ءِ کپگ ءِ گپ راست کرتگ ءُ گوشتگ کہ چہ جنگی بالگرد ءِ کپگ ءَ دگہ زمینی تاوان نہ بیتگ۔
تباہ بیتگیں بالگرد سکوئی ایس یو 30 جنگی بالگردے بیتگ کہ آ ھیلکاری وھد ءَ کپتگ ءُ تباہ بیتگ۔ شش روچانی تہ ءَ اے روسی دومی جنگی بالگرد اِنت کہ کپتگ ءُ تباہ بیتگ۔
چہ ایشی ءَ پیش یک جنگی بالگرد ءِ یوکرین ءِ نزیکیں شھرے ءَ ماڑی یے سر ءَ کپتگ اَت وئیل ءِ آسر ءَ پازدہ مردم مرتگ۔
بنشون: جھانی رسانکدر |اکس: دامگ
