بلوچ راجی زرمبشت ( بی این ایم ) ءِ سرکماش ڈاکٹر نسیم ءَ ماں چاگردی رسانکدر ایکس ءَ پاکستان ءِ گچینکاری ءِ پژدر ءَ نبشتگ کہ بلوچستان یک زورگپت ءُ نوآبادکاریں سرڈگارے۔ زورگپتیں ھنداں گچینکاری تیوک ءَ پہ زورگرانی نپان کنگ بیت۔
آئی ءَ گوشتگ کہ یاد بدار اِت ووٹ دیگ یا گچینکاری ءَ بھر زورگ پاکستان ءِ بلوچستان ءِ سر ءَ یکشلیں زورگپتی ءِ دراجکش کنگ ءُ اے زوراکیانی برجاہ دارگ ءِ موکل دیگ زانگ بیت۔ ایشی تہ ءَ کشگ ءُ چگل دیگ ءِ شوندات، زوریں بیگواھی، چکچینی ءُ دروگیں میڑ ھوار اَنت۔
بی این ایم ءِ سرکماش ءَ گوشتگ کہ اسمبلی ءِ باسک زوراکی ءِ کانود ٹھینگ ءَ اے میارباری ءَ ھوار اَنت۔ ووٹ دیگ ءِ مول پاکستان ءِ نیمگ ءَ بلوچستان ءَ زوراکیانی پلہ مرزی کنگ اِنت۔ ھما مردماں کہ شما گچین کن اِت آ مئے مردمانی گون ءَ بیوکیں ناھکیانی تچکی ءَ زمہ وار اَنت۔
ڈاکٹر نسیم ءَ دیمتر ءَ گوشتگ کہ زوریں بیگواھی ءَ بگر داں زوراکیانی راھبندی بستار دیگ ءَ، گچینکاری ءَ بھر زورگ بلوچ راج ءِ زوریں بیگواھی ءُ چکچینی ءِ کمک کنگ اِنت۔
