ابوجہ: نائیجیریا ءَ چہ توپان ءَ سانمندیں بیتگیں مردمانی کشگ ءُ مھکمیں جاھاں بروکیں لانچے بڈُ اِتگ ھپتاد ءُ شش مردم مرتگ۔
جھانی رسانکدر ءِ رد ءَ روکپتی اپریکہ ءِ نائیجیریا ءَ توپانیں ھوراں تباھی کرتگ، چہ سی شش ریاستاں بیست ءُ نوہ ریاست سانمند بیتگ، ھمے ھنداں 300 مردم مرتگ ءُ لکانی کَچ ءَ مردم بے گِس بیتگ۔
جھانی رسانکدر ءِ رد ءَ نائجیریا ءِ ریاست انبرا ءَ مردم گیش سانمند بیتگ اَنت، سانمنْدیں مردمانی کشگ ءُ مھکمیں جاھاں بروکیں لانچ بُڈ اِتگ کہ آئی ءَ ھشتاد ءُ پنچ مردم سوار بیتگ، چہ آیاں نوہ مردم زند ءَ کشگ بیتگ، ھپتاد ءُ شش مردم مرتگ۔
کمکاریں ادارہ ءِ جارکش ءِ گوشگ اِنت کہ لانچ ءَ آئی گنجائش ءَ گیش مساپر سوار بیتگ ھمے سوب ءَ بُڈ اِتگ۔ چہ ھار آماچیں ریاستاں اے وڑیں بازیں ویل دیم ءَ آتکگ اَنت بلے اے اچ درساں مستریں ویل زانگ بیتگ۔
بنشون: جھانی رسانکدر | اکس: دامگ
