تربت: ڈی بلوچ ءَ چہ آپسر ءَ زور بیگواہ کنگ بوتگیں مردمانی کھولانی زھرشانی نندانک دو روچ اِنت کہ سی پیک دگ ءَ برجاہ اِنت۔ چہ دگ ءِ بند بوگ ءِ سوب ءَ تربت ءَ گْوادر، کراچی ءَ روگ ءُ آھگ بند اِنت۔
چہ دوشیگیں ھور ءُ سارتی ءَ ابید زور بیگواھیں مردمانی کھول انگت ءَ زھرشانی ءَ نشتگ اَنت۔ تربت سول سائٹی ءِ سروک گلزار دوست ھم زھرشانی ننداک ءَ ساڑی اِنت۔
ھمے وڑ ءَ کیچ ءِ ھند سامی ءَ زور بیگواھیں واھد بکش ء پیر مھمد ءِ کھول ءِ نیمگ ءَ زھرشانی نندانک برجاہ اِنت۔ کھول ءِ گوشگ اِنت دانکہ واھد بکش آجو کنگ نہ بوتگ مئے زھرشانی نندانک برجاہ بیت۔
بنشون ءِ رد ءَ دوئیں جاھاں زھرشانی نندانکانی سوب ءَ چہ کیچ ءَ آدگہ جاھاں روگ ءُ آھگ بند کنگ بوتگ اَنت۔ انگت ءَ چہ کیچ واکدار ءِ نیمگ ءَ پہ زور بیگواھیں مردمانی کھولانی لوٹانی منگ ءَ ھچ وڑیں دلجمیں گامگیج زورگ نہ بوتگ۔
