و این او ءِ جنرل اسمبلی ءِ مراگاہ 19 ءَ بگر داں 23 ستمبر ءَ نیویارک ءَ بندات بنت۔ یو این او ءِ مراگاہ ءَ پاکستان ءِ مزن وزیر شھباز شریپ پاکستان ءَ ھار آماچیں مردمانی جیڑہ ءُ مولم ءِ سرا تران کنت۔
دری کارانی وزیر ءِ بنشون ءِ رد ءَ اے مراگاہ ءَ شھباز شریپ ءِ ھمراہ بلاول زرداری ءَ ھوار کابینہ ءِ بازیں مردمے گون بنت ۔
یو این او ءِ مراگاہ ءَ پاکستان ءِ مزن وزیر شھباز شریپ اپریکی یونین ، یورپی یونین ءُ امریکہ ءِ ھواریں گل گلوبل پوڈ سکیورٹی ئے کانپرنس ءَ ھم ھوار بیت ءُ ایشی ءَ پد امریکی مھتر جو بائیڈن ءَ ھم گند ءُ نند کنت۔ دری کارانی وزیر ءِ رد ءَ پاکستان ءِ مزن وزیر شھباز شریپ کشمیر ءِ بابت ءَ ھم گپ ءُ تران کنت۔
بنشون: جھانی رسانکدر | اکس: دامگ
