نائجریا ءِ بنجاھی شھر ابوجا ءِ زندان ءَ سلاہ بندیں مردماں اُرش کرتگ ءُ سیسد بندیگ آجو کرتگ۔ جھانی رسانکدر ءِ رد ءَ نائجیریا ءِ گھبودی وزیر ءَ زندان ءَ اُرش ءِ گپ راست کرتگ ءُ گوشتگ کہ ناشرکاریں گَل بوکو ھرام ءِ کارمندانی زندان ءِ سر ءَ اُرش کنگ ءَ سیسد بندیگ تچک ءَ سوبین بیتگ اَنت۔
زندان ءِ واکدار ءِ رد ءَ چہ زندان ءَ جستگیں بندیگاں گیشتریں بندیگ دوبر گرگ ءُ پد ءَ زندان ءَ آرگ بیتگ اَنت ءُ آدگرانی پَٹ ءُ پول برجاہ اِنت۔
بنشون: جھانی رسانکدر | اکس: دامگ
