بلوچ لبریشن آرمی ( بی ایل اے ) ءِ جارکش جیھند بلوچ ءَ وتی درشان ءَ گوشتگ کہ بی ایل اے ءَ پہ بلوچ زر ءِ پھریزگ ءَ وتی زر پھازیں بھرگ ھمل ٹائم ڈیپنس پورس ءِ برجاہ دارگ ءِ پیسلہ کرتگ۔ بی ایل اے ھمے جھلی بھرگ ءِ وتی بنداتی آپریشنل کاروائی بندات کرتگ، دوشمبے،12 اپریل 2026 ءِ دہ ءِ نزیک ءَ گْوادر ءِ ھند جیونی ءَ مِل تْیاب ءَ زورگریں پاکستانی نیوی ءِ یک ترّ ءُ گردی لانچے ءِ سر ءَ ارش کرتگ۔ مئے سرمچارانی تیرگواری ءِ آسر ءَ لانچ ءَ سواریں زورگریں نیوی ءِ سے کارمند نائیک اپزل، سپاھی جمیل ءُ سپاھی امر مرتگ اَنت۔ کاروائی ءَ پد مئے سرمچار وتی مھکمیں بندراں سر بوتگ اَنت۔
آئی ءَ گوشتگ کہ بی ایل اے تچک ءَ گوش ایت کہ بلوچ راجی آجوئی زرمبشت نوں یک انچیں بھرے ءَ سر بوتگ کہ اود ءَ پہ دژمن ءَ بلوچستان ءِ زمین ءِ ھواری ءَ زر ھم تنگ بوتگ۔ زورگریں پوج ءُ آئی زورگری ءَ شریدار چہ سالاں بلوچ زر ءَ درکانودی نیلام کنگ ءَ اَنت، اود ءَ مئے ماھیگیرانی مالی کوش بوگ ءَ اِنت ءُ تْیاب دپ گوں پوجی بنجلاں مٹ کنگ بوتگ اَنت۔ ھمل میری ٹائم ءِ جوڑ بوگ مئے راجی نیوی ءِ بندات اِنت کہ آ بلوچ مڈیاں چہ تْیاب ءَ لٹ ءُ پل ءَ بدار ایت، دژمن ءِ زر ءَ ترّ ءُ گرد ءَ بدار ایت ءُ پہ زورگپتیں تْیاب ءِ دیمپانی ءَ ھمک وھد ءَ جاڑیگ بہ بیت۔
جارکش ءَ گوشتگ کہ بی ایل اے وتی اے زرپھازیں بھرگ ءِ نام ءَ گرانکدریں گھگیری کرد ھمل جیھند ءِ نام ءَ نامین ایت۔ ھمل جیھند، بلوچ گوستانک ءِ ھما پسگ اِنت کہ آئی شانزدھمی دھک ءِ نوکیں دور ءِ پرتگالی زورگر ءِ بگیری ءَ زری گھگیری بنیاد ایر کرتگ ءُ پہ وتی دیمپانی ءَ زورگر پروش داتگ اَنت۔ ھمل جیھند ءِ کرد بلوچ راجی یاداشت ءَ گیرت، توکل ءُ زرپھازی ءِ یک بے مٹیں چیدگے ءِ ھساب ءَ ایر اِنت۔ آئی ءَ پیش داشتگ کہ چہ مالداریں زورگر ءِ دیم پہ دیمی ءَ راجی جوزگ ءُ چیرجنگی شوربندی مدام سوبین بیت۔ بی ایل اے ءِ اے نام ءِ گچین کنگ ھمے ارادہ ءَ پیش دار ایت کہ مئے انوگیں گھگیری ھمے گوستانکی میراس ءِ درچ اِنت۔ ھما وڑ ءَ کہ ھمل جیھند ءَ پرتگالی زورگر ءِ ارادہ گوں ھاکاں ھوار کرتگ، ھمے وڑ ءَ ھمل میری ٹائم ڈیپنس پورس انوگیں وھد ءِ زورگراں چہ زر ءَ ڈن کش ایت۔
جیھند بلوچ ءَ درشان ءِ گڈی ءَ گوشتگ کہ بی ایل اے دژمن ءَ کڈن کنت کہ نوں مئے پوجی کار تھنا کوہ ءُ شھراں بندوک نہ اَنت بلکیں ما دژمن ءَ آئی زری شوربندی ءُ مڈیاں ھوار جھلیں زر ءَ وتی نشانگ پورا کرت کن ایں۔ مئے جنگ داں دژمن ءِ سرجم ءَ درآھگ ءُ وتواکیں بلوچ ریاستے ءِ گِرگ ءَ گوں ترندی ءَ برجاہ بیت۔
بنشون: درشان اکس: زرمبش
