کیپ: یوکرینی مھتر ءَ گْوشتگ کہ روکپتی راج یوکرینی شھریانی کوش ءِ زمہ وار اَنت۔
یوکرین ءِ مھتر ولادمیر زلینسکی چہ روکپتی ڈیھاں گلگدار اِنت کہ روسی اُرش ءِ بگیری ءَ آیاں ھچ پیمیں گامگیج نہ زُرتگ۔
زلینسکی گْوشتگ کہ روسی اُرش ءَ تیوک ءَ روس نہ بلکیں روکپتی ڈیھ مئے شھریانی کوش ءِ زمہ وار اَنت۔
آئی گْوشتگ کہ مارا پہ جان ءِ پھریزگ ءَ بالیگراب دیگ بیگ ءَ نہ اِنت ایشی ءِ پسو ھمیش اِنت آ لوٹ اَنت ما دُرس کُشگ بہ بہ ایں۔
جو بائیڈن ءَ روسی تیل ءُ گیس ءِ سر ءَ پابندی جتگ واشنگٹن: امریکا ءِ مھتر جوبائیڈن ءَ روسی تیل ءُ گیس ءِ سر ءَ پابندی جنگ ءِ جار جتگ ءُ گْوشتگ کہ روسی تیل ءُ گیس نوں امریکا ءِ تیاب دپ ءَ میا اَنت۔ما روسی مھتر ولادمیر پوٹن ءَ جنگ ءِ تہ ھچ پیمیں کمک کنگ نہ لوٹ ایں۔
جوبائیڈن گْوشتگ کہ اے سْوڑگ ما گوں یورپی ھم سَنتانی ھواری ءَ کُرتگ ءُ یورپ پابندیانی جنگ ءِ بابت ءَ امریکا ءِ ھمراھداری کنگ ءَ جاڑی نہ اَنت۔
آئی گْوشتگ کہ امریکا یورپی ھم سنتانی ھواری ءَ کار کنگ لوٹ ایت داں روسی تیل ءُ گیس ءِ سر ءَ بیسہ کم بہ بیت ءُ اے بابت ءَ جوانیں کارشونی یے ٹاھینگ بہ بیت۔
یات بہ بہ اِت کہ چہ اے پابندی ءِ سْوب ءَ روس ءِ مالی جاورانی ناگیگ بیگ ءِ گُمان کنگ بیگ ءَ اِنت کہ روس ءِ 40 درسد مالی درامد چہ تیل ءُ گیس ءِ سْوب ءَ بیتگ۔
یوکرینی مھتر ءَ گْوشتگ کہ روکپتی راج مئے شھریانی کوش ءِ زمہ وار اَنت کہ نشتگ ءِ ندارگ چارگ ءَ اَنت،امریکا ءَ روسی تیل ءُ گیس ءِ سر ءَ پابندی جتگ
یوکرینی مھتر ءَ گْوشتگ کہ روکپتی راج یوکرینی شھریانی کوش ءِ زمہ وار اَنت۔
