شال ءَ پہ بیگواھیں مردمانی پدجنگءَ وائس پار بلوچ مسنگ پرسنز ءِ زھرشانی گدان ءَ شال پریس کلبءِ دیم ءَ 6132 روچ سرجم بوتگ۔
وی بی ایم پی ءِ چیئرمین نسر اللہ بلوچ ءَ گوشتگ کہ زور بیگواھیں مردمانی کھول ھما رنجاں اوپار کنگ ءَ اَنت آ چونیں ھم شرپمندیں چاگردےءَ جیڑگی گپے ۔ زوریں بیگواھی نہ ایوکءَ انسانی ھکانی لگتمالی اِنت بلکیں آئین ءُ کانود ءِ بگیری اِنت۔چونیں ھم شھری یے ءِ درکانودی بیگواہ کنگ انساپ ءِ بنکی راھبندانی لگتمالی اِنت۔
آئیءَ گوشتگ کہ ما انوگیں سرکار ءَ ترانگ ءَ گیج ایں کہ شھریانی جان ءُ مال ءِ پھریزگ ءُ انساپ دیگ آئین ءِ زمہ واری اِنت۔ چونیں ھم مردمے ءِ سر ءَ بھتام بہ بیت گڑا آمیدگس ءَ پیش کنگی اِنت دانکہ کانود ءِ رد ءَ کاروائی کنگ بہ بیت، بے میاریں مردم زوت یل کنگ بہ بنت۔
نسر اللہ بلوچ ءَ لوٹ کرتگءُ گوشتگ کہ درسیں بیگواھیں مردم آجو کنگ بہ بنت، زوریں بیگواھی زوت ھلاس کنگ بہ بیت، اے میار ءَ ھواریں مردمانی بگیری ءَ کانودی کاروائی کنگ بہ بیت۔
بنشون: درشان اکس: وی بی ایم پی
