شال ءِ ھند ھزارگنجی ءَ پجار نہ بوتگیں سلاہ بندیں مردماں تیرگواری کرتگ ءُ چار مردم کشتگ۔
بنشون ءِ رد ءَ کشگ بوتگیں مردم ھزارہ اَنت ءُ سبزی بھا کنوک اَنت۔ آیانی لاش پہ ھژدری چار ءُ ٹپاس ءَ نادراھجاہ ءَ برگ بوتگ اَنت۔
آیانی کوش ءِ بگیری ءَ زھرشانی ءَ روکپتی بائی پاس بند کنگ بوتگ۔
زھرشانی کنوکیں مردماں چہ سرکار ءَ لوٹ کرتگ کہ اے ویل ءِ بابت ءَ زوت پٹ ءُ پول کنگ بہ بیت ءُ آیانی کشندہ دزگیر کنگ بہ بنت۔
