کیچ ھند بل نگور ءَ پاکستانی پوج ءَ لشکرکشی کرتگ ءُ گوں مردماں زوراکی کرتگ۔
زرمبش جھگیر ءِ رد ءَ پاکستانی پوج ءَ مرچی سھب ءَ بل نگور ءِ میتگ کلیرو ءُ مچی ءَ لشکرکشی کرتگ، گس پٹ ءُ پول کرتگ اَنت گوں مردماں زوراکی کرتگ۔
ھندی بنشون ءِ رد ءَ پوج ءَ لشکرکشی ءِ میان ءَ گسانی اکس گپتگ اَنت ءُ بلوچ آجوئی لوٹوکیں جھدکارانی کھول بیھار داتگ اَنت شما چہ وتی مردمانی دزکشی ءِ بابت ءَ پریس کانپرنس بہ کن اِت۔ اگاں شما جھدکارانی بگیری ءِ کانپرنس نہ کرتگ گڑا چہ اد ءَ بہ لڈ ات ءُ برو اِت۔
اے بابت ءَ مئے گیشیں جست ءُ پرس برجاہ اِنت۔
بنشون: اھوالکار اکس: دامگ
