بلوچ نیشنل موومنٹ (بی این ایم ) ءِ نیمگ ءَ شنگ بوتگیں جارے ءَ گوشگ بوتگ کہ بی این ایم ءِ میان استمانی مھم ءِ رد ءَ 9 اپریل 2026 ءَ نیدرلینڈز ءِ شھر دی ھیگ ءَ مرگاپ ءِ شھید گلام مھمد بلوچ، لالا منیر بلوچ ءُ شیرمھمد مری ءِ شھیدی ءِ ھبدھمی سالروچ ءَ یک مراگشے برجم دارگ بوگ ءَ اِنت۔
آئی ءَ گوشتگ کہ اے دیوان ءِ جارچینی زمہ واری دیدگ بلوچ ءُ مھرہ بلوچ ءَ گون اَنت ءُ دیوان ءَ بلوچ نیشنل موومنٹ ءِ چیئرمین ڈاکٹر نسیم بلوچ، پھیم بلوچ، مھیم ابدرھیم، جمال بلوچ، زلے ولی، کامران جتوئی ءُ نیاز بلوچ تران کن اَنت۔
جار ءَ گوشگ بوتگ کہ اے دیوان ءَ مرگاپ ءِ شھیداں ستک شانی ندر کنگ بیت، مچی سزا ءُ میان استمانی زمہ وارانی سر ءَ گپ جنگ بیت۔
اے دیوان 9 اپریل ءِ نیمروچ ءِ دو ءَ بندات بیت ءُ داں بیگاہ ءِ شش ءَ برجاہ بیت۔
بنشون: جار. اکس: بی این ایم
