واشنگٹن :امریکا ءِ دری کارانی وزیر انٹونی بلنکن گْوشتگ کہ یوکرین جنگ ءَ کٹ ایت۔
امریکا ءِ دری کارانی وزیر ءَ گوں برتانیا ءِ رسانکدر ءَ تران کنگ ءَ گْوشتگ کہ روسی اُرش ءِ بگیری ءَ یوکرینی راج گھگیری کنگ ءَ اِنت۔
اے و زانگ نہ بیت کہ اے جنگ داں چُنت مُدت ءَ برجاہ بیت بلے یوکرین جنگ ءَ کٹ ایت ءُ روس ھرپیم ءَ بےسوب بیت۔آئی گْوشتگ کہ جنگ روسی مھتر پوٹن ءِ شوربندی ءِ رد ءَ بیگ ءَ نہ اِنت ءُ دومی نیمگ ءَ میان استمان یوکرین ءِ ھک ءَ اِنت۔
بوت کنت جنگ دراج کش بہ بیت۔ما اے بابت ءَ مھتر پوٹن ءَ زور دیگ ءَ ایں کہ جنگ بند کنگ بہ بیت۔
بنشون: جھانی رسانکدر /اکس: دامگ
