بلوچ یکجھتی کمیٹی ( بی وائی سی ) ءَ وتی درشان ءَ گوشتگ کہ سبزل بلوچ ء بدل ھیر آباد ءِ جاہ منند اِنت ءُ یک تنگدستیں کھولے ءِ مردم اِنت۔ 25 جولائی 2025 ءَ چہ گْوادر ءُ تربت ءِ میانی ھند تلار ءِ چوکی ءَ ایپ سی ءَ آوار جتگ ءُ بیگواہ کرتگ اَت۔ یک اپریل 2026 ءَ آئی لاش گْوادر ءِ ھند پلیری ءَ دزکپتگ۔
بلوچ یکجھتی کمیٹی ءَ سبزل بلوچ ءِ بیگواھی ءَ پد آئی درکانودی کوش ایر جتگ ءُ گوشتگ کہ اے یک ویلے نہ اِنت بلکیں بلوچ ورنایانی گون ءَ یکشل ءَ بیوکیں ناھکیانی بھرے۔
آئی ءَ گوشتگ کہ داں کدی بلوچستان ءَ مردم گوں بے تواری ءَ اے زوراکیاں اوپار بہ کنت۔ داں کدی آئین ءُ انسانی ھکانی لگتمالی مان آرگ مہ بیت۔ ھمک میاربار آمیدگس ءَ پیش کنگ بہ بیت۔ چونیں ھم مردمے ءِ درکانودی بندیگ کنگ ناھکی یے۔
بلوچ یکجھتی کمیٹی ءَ اے زوراکی انسانی ھکانی مزنیں بگیری ءُ یک ٹوھیں ویلے لیک اِتگ ءُ گوشتگ کہ پہ ایشی راستی ءُ انساپ ءِ لوٹ ءَ کن ایں۔
آئی ءَ گوں میان استمانی انسانی ھکانی گل ءُ میان استمانی تک ءَ لوٹ کرتگ کہ آ وتی بے تواری ءَ بہ پروش اَنت ءُ پہ بلوچستان ءِ مھلوک ءِ ھک ءَ زوت گامگیج بزور ایت۔
بنشون: درشان اکس: بی وائی سی
