بلوچ لبریشن آرمی ( بی ایل اے ) ءِ جارکش جیئند بلوچ ءَ وتی درشان ءَ گوشتگ کہ زورگپتیں بلوچستان ءَ زورگریں پاکستانی پوج ءِ بگیری ءَ مئے ترندیں ارشانی درچ گوں ترندی ءَ برجاہ اِنت۔
آئی ءِ گوشگ اِنت کہ داں انوں جھل مگسی، شال، مستونگ، نوشکی، واشک، دالبندین، ھاران، پَنجگُور ءُ کیچ ءَ ھوار جتائیں ھنداں زورگریں پاکستانی پوج ءِ بنجل، پوجی شوربندی ءُ زوگریں پوج ءِ کشندہ ٹولیانی بندرانی سر ءَ سی ءَ گیش ارش کرتگ۔
جارکش ءِ گوشگ اِنت کہ اے کاروائیاں نوکیں سلاہ کارمرز کرتگ اَنت ءُ زورگریں پوج ءِ درزنانی کچ ءَ کارمند کشتگ ءُ باز ٹپی کرتگ، دژمن ءَ بازیں کچے ءَ جانی ءُ مالی تاوان بوتگ۔
جیئند بلوچ ءَ گوشتگ کہ اے درسیں ارشانی ءُ دژمن ءَ بوتگیں تاوانانی ھالاں زوت رسانکدر ءَ شنگ کن ایں۔
بنشون: درشان. اکس: زرمبش
