بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ مستونگ ءَ مھمد آمر ء دل مراد ءِ درکانودی کوش ایر جتگ ءُ گوشتگ کہ اے بلوچستان ءَ ریاستی زوراکیانی دگہ یک منانکے۔
آئی ءَ گوشتگ کہ کھول ءِ رد ءَ آئید ءَ یک شپے پیش ایپ سی ءِ کارمنداں کاریز سور ءَ گس ءَ بیڑ برتگ۔ مھمد آمر پہ زور آوار جتگ ءُ ڈن ءَ برتگ درکانودی تیر جتگ ءُ کشتگ۔
پانک ءِ گوشگ اِنت کہ اے ویل زوریں بیگواھی ءُ درکانودی کوشانی درچ ءِ بھر اِنت۔ اے گامگیج بنکی انسانی ھکانی بگیری اِنت۔
درشان ءَ گوشگ بوتگ کہ اے ویل کانودی ءُ اکلاکی جست ودی کنت ءُ ایشی زوتیں پٹ ءُ پول ءُ جست گرگ ءِ لوٹ ءَ کن ایں۔ پاکستان سرکار اے ویل ءِ بابت ءَ دلجمیں وڑے ءَ پٹ ءُ پول بہ کنت ءُ ایشی زمہ وار کانود ءِ رد ءَ جست گرگ بہ بنت۔
پانک ءَ گوں میان استمانی انسانی ھکانی ادارھاں لوٹ کرتگ کہ آ بلوچستان ءِ جاورانی سر ءَ زوت دلگوش بدے اَنت کہ اے بےتواری شھریانی درد ءُ جنجالاں گیش کنت۔
آئی ءَ گڈی ءَ گوشتگ کہ پانک پہ انساپ ءِ جھد ءَ گوں مھمد آمر ءِ کھول ءُ بلوچستان ءَ چہ ریاستی زوراکیاں سانمندیں کھولاں اوشتاتگ ءُ اے دمگ ءَ زوراکیانی ھلاس کنگ ءِ لوٹ ءَ کنت۔
بنشون: درشان اکس: پانک
