کیچ ءِ ھند تربت ءَ پاکستانی پوج ءَ بیڑ برتگ ءُ ھالد ھبیب آوار جتگ ءُ بیگواہ کرتگ۔
بنشون ءِ رد ءَ زور بیگواھیں ھالد ھبیب ء ھبیب اللہ بلیدہ ءِ میتگ سلو ءِ جاہ منند اِنت۔ پاکستانی پوج ءَ یازدہ مارچ 2026 ءَ شپ ءِ یک ءُ نیم ءَ چہ جوسک، سری کھن ءَ آوار جتگ ءُ بیگواہ کرتگ۔
آئی زوریں بیگواھی ءِ گپ بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ راست کرتگ ءُ پہ آئی آجوئی ءَ لوٹ کرتگ۔
پانک ءِ گوشگ اِنت کہ درکانودی آوارجنی ءُ زوریں بیگواھی انسانی ھکانی بگیری اِنت ءُ چاگرد ءَ ترس ءَ گیش کنت۔
بنشون: پانک اکس: پانک
