کیچ: ھپتگے پیش پاکستانی پوج ءِ دست ءَ زور بیگواھیں مھراج ء شکاری اھمد ءُ درا بلوچ ء کادربکش ءِ کھول ءَ آیانی آجوئی ءِ لوٹ کرتگ۔
کھول ءِ گوشگ اِنت کہ مھراج بلوچ ءُ دُرا بلوچ کیچ ءِ ھند بسول کھن ءِ جاہ منند اَنت ءُ دوئیں نودربر اَنت۔ پاکستانی پوج ءَ 4 مارچ 2026 ءَ آوار جتگ ءُ بیگواہ کرتگ اَنت۔ ما گریبیں مردم ایں مئے زھگ گوں ھچ وڑیں درکانودی کاراں ھوار نہ بوتگ اَنت۔
کھول ءَ گوں سرکار ءَ لوٹ کرتگ ءُ گوشتگ کہ اے جیڑہ ءِ سر ءَ گوں سنگینی ءَ گامگیج بزور ایت ءُ اگاں مئے زھگانی سر ءَ چونیں ھم بھتامے ھست گڑا آمیدگس ءَ پیش کنگ بہ بنت، بے میار اَنت گڑا زوت یل کنگ بہ بنت۔
کھول ءَ گوں انسانی ھکانی ادارھاں پہ مھراج بلوچ ءُ درا بلوچ ءِ آجوئی ءَ توار چست کنگ ءِ لوٹ کرتگ۔
بنشون: درشان اکس: کھول
