تربت ءِ میتگ گوگدان ءَ پاکستانی پوج ءَ یکبرے پد ءَ الی پکیر سنگھور ءِ گس ءَ بیڑ برتگ ءُ زوراکی کرتگ۔
بنشون ءِ رد ءَ دوشی دو ءَ پاکستانی پوج ءَ بازیں کچے ءَ بیڑ برتگ ءُ الی پکیر سنگھور ءُ لال بکش آدم ءِ گس پٹ ءُ پول کرتگ اَنت۔ گسانی سامانانی پرشت ءُ پروش کنگ ءِ ھواری ءَ زھگ ءُ زالبول ھم آزار داتگ اَنت۔
کھول ءِ گوشگ اِنت کہ پاکستانی پوج ءَ بیڑ برگ ءِ میان ءَ موٹرسائیکل، موبائل ءُ آئید ءِ گُد ھم برتگ اَنت۔
کھول ءِ گوشگ اِنت کہ چہ ایشی ءَ پیش ھم باز بر ءَ پاکستانی پوج ءَ شپ ءَ گساں بیڑ برتگ ءُ گوں مردماں زوراکی کنگ ءِ ھواری موٹرسائیکل ءُ سامان برتگ اَنت کہ پد ءَ نہ داتگ اَنت۔
بنشون: رسانکدر اکس: رسانکدر
