وارسا: نیٹو ءِ باسک پولینڈ ءَ گْوشتگ کہ ما یوکرین ءُ نیٹو ءِ جنگ بھر نہ بیں ءُ وتی جنگی بالیگراباں یوکرین ءِ کمک ءَ راہ دات نہ کن ایں۔ جھانی رسانکدر ءِ رد ءَ چہ پولینڈ ءِ لشکری بُنجاہ نیٹو ءِ کارگشاد جنرل جینس اسٹولٹنبرگ ءُ مھتر اندرج ڈوڈا تران کُرتگ ءُ گْوشتگ کہ ما یوکرین ءِ کمک ءَ وتی جنگی بالیگراباں راہ دات نہ کن ایں۔ آیاں گْوشتگ کہ ما یورپی ڈیھانی جنگی بالیگراباں پولینڈ ءَ جاگہ دئیں کہ یوکرینی پائلٹس بیا اَنت ءُ چہ ھمد ءَ بالیگراباں بہ بَر اَنت۔نیٹو ءِ کارگشاد ءَ گْوشتگ کہ ما یوکرین ءَ جنگی ساز ءُ سامان داتگ بلے وتی لشکریاں یوکرین ءَ نادینت نہ کن ایں۔ یک جُستے ءِ پسو ءَ پولینڈ ءِ مھتر ءَ گْوشتگ کہ ما یوکرین ءِ جیڑہ ءِ بھر نہ بیں،ما یوکرین ءَ مردمگری ءِ بنیاد ءَ کمک کُرتگ بلے وتی جنگی بالیگراباں یوکرین ءَ راہ دات نہ کن ایں۔
بنشون: جھانی رسانکدر /اکس: دامگ
